Skogstad er svært medviten sitt geografiske opphav, og arbeider kontinuerleg for å ivareta og støtte gode initiativ i vår region. Som eksempel på dette kan nemnast Skogstad sitt samarbeid med Firda vidaregåande skule på Sandane. Elevar ved Medium og kommunikasjon på denne skulen arbeider tett med marknadsapparatet i Skogstad, slik at dei kan få verdifull røynsle frå arbeidslivet. Gjennom arbeid for eit lokalt, sterkt merkenamn får dei prøve seg innan ulike typar marknadsføring.

Gjennom konseptet ’Kvardagsheltar’ vil Skogstad frå og med januar 2012 heidre menneske i Noreg som på friviljug basis står på for utandørs glede. Dette kan vere eldsjeler i foreiningar og lag som over tid har gjeve mykje av seg sjølv til glede for andre. Vinnarane av denne prisen blir plukka ut av ein jury beståande av Eli Kari Gjengedal, Odd-Bjørn Hjelmeset og Knut Roger Nesdal.

Skogstad støttar òg opp under ’Kjør for livet’ – eit annleis opplevings- og fritidstilbod til barn og unge (les meir på kjorforlivet.no). Skogstad skal lage klede som blir distribuert gjennom dette intitativet, for øvrig òg støtta av det norske kronprinsparet og industri- og finanskonsernet FERD.

Visjon

Selskapet sin visjon er at Skogstad skal vere ein ettertrakta, norsk merkevare for sports- og fritidsklede, der norsk tradisjon og rein natur er gjenkjenneleg.

Skogstad – rein norsk klesdesign

Forretningsidé

Visjonen vår skal oppnåast gjennom tidsriktig design, effektiv produksjon, distribusjon og sal av sports- og fritidsklede av høg kvalitet, til konkurransedyktige prisar - basert på lange skreddartradisjonar.

Vi skal skape utandørs glede

Verdiar

Dette er verdiane vi i Skogstad arbeider etter, kvar einaste dag:

* Jordnær
* Ansvarleg
* Truverdig - trygg
* Aktiv
* Kreativ
* Kompetent

Etisk handel

Skogstad Sport er opptekne av etisk handel. Dette inneberer at vi skal arbeide for at våre samarbeidspartnarar og leverandørar har gode nok standardar for arbeidsliv og forretningsverksemd.

Vi har fleire fabrikkar i Kina, og er opptekne av at tilsette der skal ha ryddige og gode arbeidsvilkår. Vi går jamnleg gjennom drifta hjå våre leverandørar for å sikre dette. Skogstad aksepterer ikkje barnearbeid knytt til produksjon av våre klede.

Miljø

Skogstad prøver å minimere skaden på miljøet i vår verksemd. Fleire sider av drifta er endra for å bli så miljøvenleg som mogeleg, og dette er noko vi kjem til å ha fokus på i åra framover.